Digital Kompetenze verdéiwe
D'Entwéckele vun den digitale Kompetenzen ass essenziell fir un der haiteger Gesellschaft kënnen deelzehuelen an ass och eng Prioritéit vum Nationalen Aktiounsplang fir digital Inklusioun. Laut dem europäeschen DigComp 3.0 sinn dës Fäegkeeten a fënnef komplementar Beräicher opgedeelt: Recherche a kritesch Bewäertung vun Informatiounen, Online-Kommunikatioun a Participatioun, d’Erstellen vun digitale Contenuen, Sécherheet a verantwortungsbewossten Notzung vun Technologien, a Problemléisung a lieweslaangt Léieren. Dës Fäegkeete gi schrëttweis a jee no Bedierfnes entwéckelt, besonnesch mam Zil, déi digital Autonomie vun deene Persounen ze stäerken, déi am wäitste vun der digitaler Welt ewech sinn.
D'Initiative
Fir dës Erausfuerderungen unzegoen, ënnerstëtzt de Nationale Aktiounsplang fir digital Inklusioun Initiativen, déi d'Zil hunn, déi digital Kompetenzen d'ganzt Liewe laang ze stäerken, onofhängeg vum Bildungsniveau oder dem Geschlecht vun der Persoun. Dës Initiativen enthalen d'Erléiere vu Grondkompetenzen, d'Beherrsche vu wesentlechen Online-Servicer an d'Adoptioun vun neien Technologien, woubäi déi digital Technologië gläichzäiteg als Hiewel fir méi Inklusioun genotzt gëtt. E besonnesch Fokus gëtt op d‘Begleede vun de wichtegsten Zilgruppe geluecht – Apprenanten, Enseignanten, Chômeuren, Professioneller, Staatsbeamten an Acteuren am sozio-pädagogesche Secteur – souwéi der Fërderung vun MINT-Fächer an der Weiderbildung.
Véierzéng Ziler goufen definéiert fir déi digital Kompetenzen ze verdéiwen:
- Stäerkung vun de digitale Grondkompetenzen
- Formatioun am Gebrauch vu wesentlechen Online-Servicer
- Verankerung vun der digitaler Inklusioun am formelle Bildungssystem
- Integratioun vum Digitalen fir d‘Inclusioun an der Bildung
- Léierpersonal ënnerstëtzen
- D'Allgemengheet mat neien Technologië vertraut maachen
- D’Kompetenze vu Chômeure stäerken
- Weiderentwécklung vun de Kompetenzen am professionelle Beräich
- Entwéckelen vun den digitale Kompetenzen am ëffentlechen Déngscht
- Fërderung vun de MINT-Fächer
- Formatioun vun digitale Fäegkeeten ënnerstëtzen
- Entwéckelen vun de Kompetenze vun de Professioneller am sozio-pädagogesche Secteur
Weider Detailer iwwer déi relevant Initiativen an Informatiounen zu hirer Ëmsetzung fannt Dir am Dokument vum Nationalen Aktiounsplang fir digital Inklusioun.
Aktualiséiert den